हो मेरे मतना पकड़ै केश दुशासन पड़ जांगे भारी।
हो मेरे मतना पकड़ै केश दुशासन पड़ जांगे भारी।
हो मै हाथ जोड़के कह रही।
हो मै भावज लागु तेरी।
हो मेरी फुट गई तकदीर आज मै जुए मै हारी।
हो मेरे….
हो मेरे केश सै काले-काले।
हो मैने दूध दही से पाले।
हो मेरे लम्बे-लम्बे केश जटा जनु कृष्ण मुरारी की।
हो मेरे….
हो मै राजा द्रुपद कि जाई।
हो मै अर्जुन गैल्या ब्याही।
हो मेरो हस्तिनापुर सुसराड़ मै सु महला कि रानी।
हो मेरे….
हो मै पाचँ पतियाँ कि रानी।
हो मैंने बांधी रेशम साड़ी।
हो मेरे तार-तार पे मोहर झलक जनु कृष्ण मुरारी की।
हो मेरे….
हो मेरी कंचन बरगी काया।
हो तैनै हाथ पाप का लाया।
हो तैनै पापी पाप कमाया या इज्ज़त खो दई नारी की।
हो मेरे….
हो मै भरी सभा मे आई।
हो मैनै आके अर्ज लगाई।
हो मेरी अर्ज करो मंजूर या मर्जी कृष्ण मुरारी कि।
हो मेरे….
हो थम कर लो युद्ध कि तैयारी।
हो या कह रही सै एक नरी।
हो मेरे करमा खप्पर भरना या लीला कृष्ण मुरारी कि।
हो मेरे….
हो मैनै रुप लिया चण्डी का।
हो मैनै खप्पर भरा लोही का।
हो मैंने हसँ-हसँ धोए केश या लीला कृष्ण मुरारी कि।
हो मेरे….
